bhaajapa aur thaakare donon ke lie beeemasee par niyantran haasil karana utana hee mahatvapoorn hai, jitana raajy ke chunaav jeetana. ye chunaav bhaarat ke sabase ameer raajy mein thaakare aur bhaajapa ke bhaagy ka phaisala karenge.
enaseepee neta sharad pavaar aur unake bhateeje ajit pavaar ke beech chhadm bhidant tab tak jaaree rahegee, jab tak supreem kort- ekanaath shinde ke baagee vidhaayakon kee ayogyata par phaisala nahin sunaata. is maheene ke ant mein phaisala aane kee ummeed hai. isaka asar na keval mahaaraashtr kee bhaagadaud bharee raajaneeti, balki 2024 ke aam chunaav mein raajy kee 48 lokasabha seeton par bhee pad sakata hai. sharad pavaar ne enaseepee pramukh ke pad se isteepha kyon diya? mukhy roop se ajit pavaar ke bhaajapa mein jaane kee sambhaavana vaale daanv ko maat dene ke lie. teen din baad pavaar ne isteepha kyon vaapas liya ? kyonki unake mahaavikaas aghaadee sahayogee- kaangres aur uddhav thaakare kee shivasena ne unhen bataaya ki agar ajit pavaar enaseepee kee raajy ikaee par niyantran kar lenge aur unakee betee aur lokasabha saansad supriya sule raashtreey adhyaksh banatee hain, to paartee toot jaegee.
ajit pavaar lambe samay se beejepee se gathabandhan karana chaahate the. ve apane vaphaadaar vidhaayakon ke saath us paar ja sakate the. isaka inaam tha- mukhyamantree pad par mushkil yah thee ki sheersh par koee pad khaalee nahin hai. bhaajapa haeekamaan ke lie bhee mukhyamantree ekanaath shinde ko peechhe karana mushkil hoga. mukhyamantree ke paale mein shivasena ke 40 baagee vidhaayak hain. kya beejepee ajit pavaar ke lie unaka balidaan karane ke lie taiyaar hai? isaka javaab yah hai ki ajit pavaar kitane vidhaayakon ko apane saath beejepee mein la sakate hain. dal-badal virodhee kaanoon ke tahat ayogyata se bachane ke lie do-tihaee vidhaayakon kee jarooree sankhya ko paar karane lie unhen raakaampa ke 53 vidhaayakon mein se kam se kam 36 ke saath phlor test dena hoga. philahaal unake paas yah sankhya nahin hai. isalie pavaar banaam pavaar kee ladaee lambee khinchane vaalee hai. is beech, bhaajapa asamanjas mein hai. usake sir par supreem kort kee talavaar latakee hone kee vajah se usane mantrimandal ka vistaar 20 mantriyon se jyaada nahin kiya hai. yadi shinde ke vidhaayakon ko sheersh adaalat ne ayogy ghoshit kiya, to bhaajapa-shinde sarakaar alpamat mein aa jaegee. tabhee ajit pavaar 36 ya isase jyaada raakaampa vidhaayakon ke saath bhaajapa mein shaamil hokar apanee chaal chal sakate hain. agar supreem kort ka phaisala shinde ke vidhaayakon ke paksh mein jaata hai to ajit pavaar ko philahaal intajaar karana hoga. 82 saal kee umr mein sharad pavaar apanee aakhiree paaree khel rahe hain. ve betee supriya ko enaseepee mein apana uttaraadhikaaree banaana chaahate hain. ve jaanate hain. ki unake bhateeje ajit der-saver bagaavat karenge. sharad ke isteephe ka shuruaat mein yah arth lagaaya gaya ki unhonne enaseepee kee raashtreey aur raajy ikaee kee jimmedaariyon ko supriya aur ajit ke beech baantane ke lie isteepha diya hai. asalee yojana saamane aane mein teen din lag gae. kaidar naakhush tha, mahaavikaas aghaadee sahayogee chintit the aur ajit pavaar asantusht the. aise mein isteepha to vaapas lena hee tha.
udhar devendr phadanavees ke bhavishy par bhee savaal hain. bhaajapa aalaakamaan ne unhen ekanaath shinde ka upamukhyamantree banaakar galat kiya. isake peechhe soch yah thee ki isase shinde ka gut khush hoga aur unake 40 vidhaayak bhaajapa mein tike rahenge. phadanavees ne shinde ke netrtv vaalee sarakaar mein shaamil hone se inakaar kar diya tha. unhen manaane ke lie pradhaanamantree ko phon karana pada, tab jaakar ve raajee hue. phadanavees milanasaar svabhaav ke hain aur unhonne shinde ke saath jaldee se achchhe kaamakaajee sambandh bana lie. phir bhee, maamale anasulajhe rahe. supreem kort ke phaisale se spashtata aaegee. lekin phaisala chaahe jo ho, ek apeel ya yaachika maamale ko aur aage kheench sakatee hai.
vaastavik sammaadhaan aktoobar 2024 mein hone vaale agale mahaaraashtr vidhaanasabha chunaav aur 2024 ke lokasabha chunaav ke maheenon baad hoga. yadi sheersh adaalat ka phaisala shinde ke 40 vidhaayakon kee ayogyata ko barakaraar rakhata hai, to madhyaavadhi chunaav bhaajapa aur uddhav thaakare donon ke hit mein ho sakata hai. mahaavikaas aghaadee gathabandhan agale vidhaanasabha chunaav mein ummeed se behatar pradarshan kar sakata hai. shinde kee shivasena, puraane shivasena voton ko vibhaajit kar degee lekin kya is gathabandhan kee sanyukt shakti ka mukaabala karane ke lie yah paryaapt hoga ?
.jpeg)
0 Comments